"Тигр елын каршылап" Яңа ел бәйрәме

Яңа ел бәйрәмнәрен һәркем көтеп каршы ала. Ниндидер могҗизага ышану яңа елны көтүчеләрне берләштерә. Балалар бигрәк тә яңа ел ялларын көтеп алалар, төрле уеннарда, чараларда катнашып күңел ачалар. 2 январь көнне Явлаштау авыл мәдәният йортында “Тигр елын каршылап” дип исемләнгән күңел ачу чарасында балалар бик теләп катнаштылар. Ике төркемгә бүленеп тигр елы турында шигырьләр сөйләделәр, төрле хәрәкәтле уеннарда катнашып яхшы кәеф тупладылар.