Күргәзмә - әңгәмә - "Табиблар дөньяда тынычлык өчен"
6 август Япониягә атом-бомбасын төшергән көн. Япония - атом бомбасына тотылган дөньяда бердәнбер ил. Протест йөзеннән яшьләр белән әңгәмә үткәрелде. Шул фаҗигале көннән 73 ел үтеп тә китте. 1945 елның 6 августында америка Япониянең Хиросима шәһәренә атом бомбасы ташлый. 200 меңгә якын кеше һәлак була. Тагын 3 көннән соң 9 августта Нагасаки шәһәренә дә бомба ыргытыла. Монда 80 мең кеше вафат була. Бу датаны билгеләгәндә бер минутлык тынлык игьлан ителә. Дөньяларабыз тыныч булсын, мондый фаҗигалар беркайчан да кабатланмасын.