Дүртаяклы дусларыбыз

Бөтендөнья  хайваннарны саклау көне уңаеннан Яңа Бүләк авылы китапханәсендә “Дүртаяклы дусларыбыз” дип исемләнгән чара узды. “Сәйлэн” балалар бакчасы нәниләре бу көнне йорт һәм кыргый хайваннарның төрләре, аларның яшәү шартлары турында күп кенә мәгълүмат тупладылар. Хайваннар турында табышмакларның җавапларын белделәр, шигырь һәм хикәяләр тыңладылар. Алып баручының чыгышы презентация белән үрелеп барды. Шулай ук нәниләр дүртаяклы дусларыбыз  турында булган китаплар белән дә таныштылар.