Библиотека тарихы

Күзкәй авыл китапханәсе 1928елда эшли башлаган. Хәзерге Г.Ахметшин урамындагы магазин урынында кечкенә генә йортта урнашкан була, көндез балалар бакчасы, кич клуб һәм китапханә рольләрен үтәгән. Сәхнәдә 2 шкаф китабы булган, “ызба-читальная”дип йөрткәннәр. Минзәләдән килгән Мәсрүрә атлы хатын эшләгән. Авылда мәгълуматлы кеше буларак, Мәсрүрә халык арасында төрле аңлату эшләре алып барган, газета хәбәрләрен җиткергән.1935елда, колхозлар оештыра башлагач, төнлә чыгып качкан Хәлиуллин Сәхәбетдин кулак өен хәзерге правление кырына китапханә итеп күчереп салалар, анда 7кл. белемле Шакирова Мияссәрә эшли башлый. 1947 елда китапханәдә 2926 китап булган. 1951елда китапханәгә Алабуга бибтехникумын бетергән яшь Калмаш кызы- Хәмидуллина Гаян эшкә килә. Китапханәдә 1566 китап була, учет һәм контроль бик  каты,шул елларда мәдәният бүлеге оеша.

10ел эшләгәннән соң Х.Гаян чирләп үлә. 1970 елда яңа клуб төзелә һәм китапханә дә шунда күчә.

Китапханәдә эшләүчеләр:                                                                                                                                        

1961- Салихова Хәлимә,(С.Наил апасы),                                                                                                        

1962- Зәйнуллина Роза (Сабирова)

1964- Габдрахманова Гөлфания,

1968- Хөсәенова Нәзирә,                                                                                                                          

1971- Закирова Гөлфак,                                                                                                                                  

1972- Мубаракшина Фәймә,

1973- Сабирова Рабига,                                                                                                                                                    1974- Нуруллина Наилә.                        

1975 елның августыннан китапханәдә Ахметзянова Тәнзилә Ахун кызы эшли башлый.