"Пушкинның әкият дөньясы"

Арина Родионовна, Александр Сергеевич Пушкинның яраткан нянясы, ул аңа карата дулкынландыргыч һәм хөрмәтле мөнәсәбәтне саклаган, шигырьләрен багышлаган, хатларында искә алган.
Кечкенә тыңлаучылар Саша Пушкинның балачак еллары, шагыйрьнең яраткан нянясы Арина Родионовна турында белделәр.
Балалар ике командага бүленеп, әкиятләрнең исемнәрен өзекләр һәм иллюстрацияләр буенча фаразладылар, әкият геройларының исемнәрен искә төшерделәр. Нәниләр әкият викторинасы сорауларына актив җавап биреп, хәрәкәтчән уеннарда уйнадылар.