"Нәүрүз - мөбәрәкбад!"
Халкыбызның гореф-гадәтләрен, йолаларын өйрәнүгә игътибар арта бара. 21 март көнне, көн белән төн тигезләшкәндә, бөтентөрки дөньясы Нәүрәз бәйрәмен билгеләп үтә. Халкыбызның бәйрәмнәре белән таныштыру максатыннан укучыларыбызга видеосюжет күрсәтелде. Күргәзмә-инсталяция янында Нәүрүз гүзәле - Нәүрүзбикә бәйрәм хакында кызыклы мәгълүмат бирде, аны оештыруның шартлары һәм нинди кагыйдәләр сакланырга тиешлеге хакында сөйләде, такмазалар әйтте, китапханә фондында булган әдәбият белән таныштырды.