«ҮКС» МБУ - шәһәребезнең иң яхшы мәдәният учреждениесе! (6+)

29 март көнне «Энергетик» мәдәният сараенда Мәдәният хезмәткәрләре көненә багышланган тантаналы чара узды.

Чара Чаллы шәһәре мэры Наил Мәһдиев, Дәүләт Советы депутатлары, шулай ук учреждениеләр җитәкчеләре, мәдәният хезмәткәрләре, тармак ветераннары, чакырылган кунаклар катнашында үтте. 

2022 елның эш нәтиҗәләре буенча мәдәният хезмәткәрләренә Мэр премияләре, шәһәр һәм ведомство бүләкләре тапшырылды.

Иң яхшы «Мәдәният учреждениесе» итеп «Үзәкләштерелгән китапханәләр системасы» муниципаль бюджет учреждениесе танылды.

Учреждение белгечләре мактаулы бүләкләргә лаек булды:

• Батырова Лилияна Павловна, «ҮКС» МБУнең баш бухгалтеры - фидакарь хезмәте өчен һәм «Мәдәният хезмәткәрләре көне» белән бәйле рәвештә Чаллы шәһәре Мэрының Рәхмәт хаты белән бүлкәләнде. 
• Романова Светлана Анатольевна, 5 нче санлы китапханәнең әйдәп баручы китапханәчесе - китапханә эше үсешенә керткән зур өлеше һәм 50 яшьлек юбилее уңаеннан Чаллы шәһәре Мэрының Рәхмәте белән бүләкләнде. 
• Чаллы шәһәре Мэры Премиясенә ия булдылар: Блинова Гүзәл Фердинантовна, Үзәк китапханәнең комплекслы хезмәт күрсәтү бүлеге мөдире һәм Хәкимуллина Лилия Мансуровна, Үзәк китапханә китапханәчесе.
• «Ел китапханәчесе» исемен Миронова Дарья Николаевна, «ҮКС» МБУнең методик һәм инновацион эш бүлеге мөдире алды. 

Бу бүләкләр китапханәчеләр эшчәнлегенә лаеклы бәя булды!

Хезмәттәшләребезне котлыйбыз һәм иҗат дәрте, камиллеккә омтылыш, яңа проектларын уңышлы тормышка ашыруларын теләп калабыз!