«Китаплар илендә»: квиз-уен (6+)

18 һәм 19 гыйнварда, «Алдынгы укучы: укыйбыз, өйрәнәбез, иҗат итәбез!» программасы кысаларында, 8 нче санлы балалар китапханәсендә  «Китаплар илендә» квиз-уены үтте.

«Шигърият», «Музыка», «Детективлар» һәм «Блиц-эрудиция» кебек уеннарның төрле этапларында яшь китап сөючеләрне көткән сынаулар гади генә түгел иде. Балалар интеллектуаль сорауларга актив җавап бирде, аларны башкару өчен укымышлылык, белемнәр һәм тапкырлык таләп ителде. Һәр дөрес җавап җиңүгә якынайтты.

Кызыклы биремнәр чара башында пассив булган катнашучыларны да уенга җәлеп итәргә мөмкинлек бирде. Иң мөһиме – күңелле итеп уйнау, чөнки ул азарт та, ярыш та.