Террорчылык: явызлык оясында

Искәртү урнаштыру:   /   Скачать бу календаре

Китапханәбездә яшьләр өчен Террорчылыкка каршы көрәштә бердәмлек көненә багышланган түгәрәк өстәл утырышы узачак. Катнашучыларны террорның иң таралган төрләре, аның килеп чыгу сәбәпләре, террорчылык акты куркынычы янаганда үз-үзеңне дөрес тоту кагыйдәләре, террорчылык белән көрәштә РФ канунчылык нигезләре турында мәгълүмат бирелгән китап һәм вакытлы матбугат материаллары белән таныштырачаклар. Китапханәче «террор» сүзенең килеп чыгышы турында сөйләячәк, Беслан, Мәскәү, Ростов, Санкт-Петербургның фаҗигале көннәрен искә төшерәчәк; чара барышында «мәгълүмати террор», «экстремистик әдәбият» кебек төшенчәләргә аңлатма бирәчәк. Катнашучыларның һәрберсе террорчылык, үсеп килүче буынга мәгълүмати басым ясау мәсьәләләре буенча фикер алышуга кушыла алачак, тормышта таныш булмаган кешеләр белән килеп чыккан куркыныч хәлләр турында сөйли алачак.

Шулай ук террорчылык төрләре – дини, халыкара, криминаль һ.б. буенча күзәтү ясалачак. Теманың катлаулылыгына карамастан, «Россиядә террорчылыкның кайсы төре күбрәк күзәтелә?», «Теракт корбаны булмас өчен нишләргә?», «Гражданлык уяулыгы нәрсә ул?» кебек сораулар буенча фикер алышу узачак. Катнашучылар «Түгәрәк өстәл» артында кызыксындырган сорауларын бирә һәм үзе, якыннары өчен, террор акты куркынычы янаганда, авыр хәлдә калмаска ярдәм итәрлек файдалы мәгълүмат ала алачак.