«Бүген кызлар бәйрәме!» уенлы бәйрәм чарасы

Искәртү урнаштыру:   /   Скачать бу календаре

Халыкара хатын-кызлар көне —мөһим һәм һәркем яратып көтеп ала торган бәйрәм. 
Язның иң күркәм һәм ямьле бәйрәме якынлашканда китапханәдә бәйрәм чарасы узачак. 
Китапханә хезмәткәре балаларга бәйрәмнең килеп чыгу тарихы һәм аны башка илләрдә ничек билгеләп үтүләре турында сөйләячәк. 
Шуннан соң укучылар «Әкияттәге әниләр» викторинасы сорауларына җавап бирәчәк, «Тәмле» бәйгесендә кулинар табышмакларны чишәчәк, «Ромашка», «Әнигә муенса бүләк итәрбез» бәйгеләрендә катнашачак, «Җир йөзендәге иң якын кешегә назлы сүз» уенында тел осталыгына күнегүләр ясаячак.

Килегез, кызык булачак!