Балаларны китап укырга җәлеп итү турында фикер алышу.

Җәйге каникуллар алдында балаларның ялын файдалы итеп оештыру мәсьәләсе килеп баса. Шул уңайдан Ю.Гагарин исемендәге балалар китапханәсендә Лениногорск үзәкләштерелгән китапханәләр челтәре хезмәткәрләре семинары булып узды. Анда балаларга китапханә хезмәте күрсәтүнең хокукый нигезләре, китап белән эшләүнең алдынгы алымнары кебек сораулар каралды. Шулай ук яңача эш тәҗрибәләре белән уртаклашу шәһәр һәм авыл китапханәчеләрнең игътибарын җәлеп итте.