«Татар телендә сез укыган иң кызыклы китап?»: блиц-сорау

Балалар китапханәсе  - 3 нче филиалда, 1нче февральдән башлап,  Халыкара туган тел кысаларында узган,  блиц-сорауга йомгак ясалды. Бу чарада  мәктәп укучылары да,  яшьләр дә, өлкәннәр дә катнашты. Китапханәдә «Туган тел-очар канат » дип исемләнгән китап күргәзмәсе эшләде . Шунда ук блиц-сорауга жавап бирергә  мөмкин булды. Кече яшьтәге китап сөюче дусларыбыз үзләренең җавапларында  Г.Тукайның « Шүрәле» , М.Җәлилнең «Кызыл ромашка», Р. Корбанның «Куркуын җиңгән куян» китабын атаганнар. Урта яшьтәге укучыларга А. Гыймадиевнең «Телефонлы кәҗә » китабы ошаган. Өлкән буын китап укучылар М.Хәбибуллинның «Чоңгыллар», Г.Галимуллинаның  «Алтын  ачкыч», Н.Гыйматдинованың «Парлы ялгыз»китапларына  өстенлек биргәннәр. Блиц-сорауга нәтиҗә ясап шуны әйтергә була,татар телендәге  китапларны өлкән буын укучылар да, балалар да яратып укыйлар.