Беседа по книге «Кыз - әбиләр»

Балалар китапханәсе – 3нче филиалда «Кыз - әбиләр» китабы буенча әңгәмә узды. Сугыш китергән хәсрәт – михнәт дәрьясын  соңгы тамчысына кадәр эчеп, өсләренә ишелгән бөтен авырлыкларга түзеп, илебез өчен сәламәтлекләрен, яшьлекләрен, бәхетләрен  корбан итеп, пар канатсыз калган газиз җаннар – кыз – әбиләргә  багышлана әлеге китап. Укучылар сугыш елларында тракторчы, игенче, торф чыгаручы  һәм башка авыр эшләрне башкарган кыз – әбиләребезнең авыр  язмышлары белән таныштылар. Алар арасында безнең Алабуга төбәгендә яшәп, хезмәт батырлыгы күрсәткән  кыз –әбиләребез: Фатыйма Нигъмәтҗанова, Миннафа Хуҗаҗанова, Мәрьям Шәриповалар бар.  2021 елда  «У войны не женское лицо» республика гуманитар проекты тарафыннан  Бөек Ватан сугышында катнашкан хатын – кызларыбыз турында китап басылып чыкты. «Мәрхәмәт = Милосердие»  берләшмәсе  тыл хезмәтчәннәре турында китап әзерли. Бу әлеге проекның икенче этабы булачак. Әлеге проекның максаты укучыларны  халкыбызның батырлыгы белән таныштыру һәм киләчәк буыннарга тапшыру.