«Алабуга хатын – кызлары – тыл эшчәннәре»: мәгълүмат – әңгәмә. «У войны не женское лицо... »

Балалар китапханәсе – 3 нче филиалда «Алабуга хатын – кызлары – тыл эшчәннәре» дип исемләнгән  мәгълүмати - әңгәмә  узды. Китапханәче укучыларны «Кыз - әбиләр» китабы белән таныштырды. Бу китап ана булудан мәхрүм калган сугыш чоры кызлары турында. Алар яуга киткән ирләрне алыштырганнар, тылдагы иң авыр эшләр аларга йөкләнгән. Бу китапта аяусыз  сугыш чорында  кыз - әбиләр күргән  кыенлыклар, михнәтле язмышлар сүрәтләнгән. Балалар  «Кыз – әбиләр»  китабында Алабуга районында яшәп,  инде кайсылары бакыйлыкка күчкән кыз – әбиләребез белән  дә таныша алдылар. Үзләренең тылдагы фидакарь хезмәтләре белән алар Бөек Җиңү көнен якынайттылар.