Китапханә белән танышу.

Үзәк балалар китапханәсенә Биектауның 3 нче урта гомуми белем бирү мәктәбенең 4 нче сыйныф укучылары килде. Балалар китапханәсендә алар беренче тапкыр. Китапханәче балаларны китапханә фонды, вакытлы басмалар белән таныштырды. Чара барышында укучылар викторина сорауларына җавап бирделәр, ребуслар һәм шарадлар чиштеләр. «Китап синең тормышыңда нәрсә аңлата? " дигән сорауга җавап биреп, балалар бүген Китапханә кирәкме, Интернет китапны алыштыра аламы дип уйладылар, нинди әсәрнең аларга иң зур тәэсир калдырганын, журналлар укыйлармы яки комиксларны өстен күрәләрме икәнен сөйләделәр.