«Балаларга сугыш турында укыйбыз»

Ел саен Самара өлкәсе балалар китапханәсе «Балаларга сугыш турында укыйбыз» Халыкара акциясен үткәрә. 4 май көнне Урта Мишә авыл китапханәсе дә әлеге акциягә кушылды. Китапханәче укучыларга Бөек Ватан сугышы, ул елларда совет халкының батырлыгы турында сөйләде. Укучылар Муса Җәлил, Фатих Кәримнең шигырьләрен укыдылар. Шигырьләр буенча фикер алыштылар, укучылар китапханәченең сорауларына җаваплар бирделәр. Чара “Сугыш кайтавазы эзләреннән” исемле китап күргәзмәсенә күзәтү белән тәмамланды.