Интернет нәрсә белән куркыныч?

Китапханәдә 12.00 сәгатьтә башлангыч мәктәп яшендәге укучылар өчен Халыкара Куркынычсыз Рунет көненә багышланган мәгълүмат сәгате үткәрелде. Куркынычлар балаларны паркта гына түгел, Интернет киңлекләрендә дә күзәтелә. Интернетта сәяхәт итеп, балалар үзләре өчен куркыныч булган сайтларга эләгә ала, бу төрле секталарга чакырулар, шикле танышулар һ.б. булырга мөмкин. Китапханәче балаларга кайбер куркынычсыз сайтлар турында сөйләде. Мәсәлән, "Кирилл һәм Мефодий Мегаэнциклопедиясе" сайтында белемнең барлык тармаклары буенча универсаль мәгълүмат базасы, төрле конкурслар, викториналар, уеннар һәм мультфильмнар бар.  "Умники и умницы" сайты кызыксынучылар өчен интернет-проект, ә "Почитай-ка" порталы балалар өчен әкият журналы, анда балалар  әдәби әсәрләр, шигырьләр, балалар өчен уеннар, кул хезмәте турында мәгълүмат таба ала. "Интернеттан курку - челтәргә кермәү"  уены барышында балалар Глобаль мәгълүмат киңлекләрендә яшь кулланучыларны күзәтеп торучы яшерен һәм ачык янаулар һәм алардан качу мөмкинлекләре турында белделәр. Балалар игътибарына "Интернет нәрсә белән куркыныч булырга мөмкин?" дигән мәгълүмат күргәзмәсе тәкъдим ителде.". Чара ахырында укучылар хәзерге тормышта Интернет кирәк дигән нәтиҗәгә килделәр, ләкин бу бөтендөнья челтәре дус яки дошман булачагы бары тик үзебезгә генә бәйле икәнлеген аңладылар.