“Яраткан журналда юбилей»

29 нчы март көнне, Исергәп авыл китапханәсе, мәктәп яны  лагере балалары өчен “Ялкын” журналының 100 еллык юбилее уңаеннан, “Яраткан журналда юбилей» дип исемләнгән  журнал битләренә сәяхәт оештырды.

Балалар“Татмедиа” журналлары арасында бердәнбер орденлы журналның тарихы кайда, кайчан һәм ничек башланып китүе, нәшер итү эшендә турыдан-туры катнашучы кешеләр турында, журналның даими сәхифәләре, яңа басмалары, бүгенге көндә журналда яктыртылган мәсьәләләр турында электрон презентация ярдәмендә күп мәгълумат алдылар. Журналның сәхифәләре буенча сәяхәт ясадылар.