«Татлы тормышның ачы азагы»
10-нчы февраль көнне, Исергәп авыл китапханәсе, яшүсмерләр өчен «Татлы тормышның ачы азагы» дип исемләнгән, йогышлы чирләргә каршы профилактика максатыннан, танып белү сәгате үткәрде.
Электрон презентация ярдәмендә китапханәче катнашучыларга җенси юл белән йога торган инфекцияләр турында белүнең мөһимлеге турында сөйләде. Мондый инфекцияләрнең төрләре, йогу мөмкинлекләре, куркынычы нәрсәдә, үзеңне саклау өчен нәрсә эшләргә кирәклеге турында бик файдалы мәгълумат алдылар. Соңыннан викторина сорауларына җаваплар белән белгәннәрен ныгыттылар.