“Шигърият күгендә якты йолдыз”

26-нчы апрель көнне, Исергәп авыл китапханәсе, Мәдәният йорты белән берлектә, өлкән яшьтәге китап укучылар өчен “Шигърият күгендә якты йолдыз” дип исемләнгән, Г.Тукайның тууына 137 ел тулуга багышланган әдәби кичә үткәрделәр.

Кичәдә шагыйрьнең шигырьләре яңгырады, иҗаты һәм тормыш юлы буенча викторина, уен- конкурслар үткәрелде. Китапханәче бөек әдипкә багышланган китап күргәзмәсеннән яңа китапларга күзәтү ясады.