«Чернобыль- XX гасыр фаҗигасы»

26-нчы апрельдә, узган гасырның иң зур техноген казасы – Чернобыль атом электр станциясенең дүртенче блогындагы  шартлауга быел 37 ел тула.

11-нче апрель көнне, Исергәп авыл китапханәсе урта яшьтәге мәктәп укучылары өчен  «Чернобыль- XX гасыр фаҗигасы» дип аталган мәгълумат  сәгате үткәрде.

Китапханәче, электрон презентация ярдәмендә, фаҗига турында, шушы коточкыч вакыйганың шаһиты булган ике авылдашыбыз- һәлакәт нәтиҗәләрен бетерүдә катнашучылар турында сөйләде. Барыбыз да, мондый афәтләр беркайчан да кабатланмасын, киләчәгебез якты булсын дигән теләктә калабыз.