Замана һәм каләм

«Ядкәр» проекты кысасында Ренат Харисның 85 яшьлек юбилее уңаеннан «Замана һәм каләм» шигъри кунакханәсе узды. Шагыйрьнең иҗатын яңадан искә алу һәм аның бай мирасына хөрмәт күрсәтү мөмкинлеге булды.
«Ядкәр» проектларның төп максаты – яшь буынны татар әдәбиятының матурлыгы, байлыгы һәм әһәмияте белән таныштыру. Бу, бигрәк тә хәзерге заманда, һәрбер милләт өчен үзенең гореф-гадәтләрен, телен һәм мәдәниятен саклап калу мөһим булганда, аеруча актуаль. Яшьләрне иҗатка рухландыру, аларның татар шигъриятенә, гомумән, сәнгатькә кызыксынуын арттыру – бу безнең киләчәгебез өчен бик кирәк.
Чара катнашучыларда зур тәэсир калдырды һәм татар әдәбиятының алтын баганасы булган Ренат Харис исеменә булган хөрмәтне тагын да арттырды.