"Вакыт һәм Әхсән"
Кеше гомер буе үзенә җандаш эзли. Таба аламы ул аны? Анысын һәркем үзе генә белә. Бәлки, озак хыялланган җандашны очратмыйча, дөньялыктан китеп тә барабыздыр...
Шикләнмичә расларга мөмкин: Әхсән Фәтхетдинов югары кимәлдәге талант иясе иде. Ул дәрәҗәле мөнбәренә авыр һәм газаплы юл үтеп, танылу-танылмау баскычлары аша күтәрелгән шәхес. Андый чиста кеше юк. Ул сабый да, хаким дә иде. Ияләрнең иясе. Ияләр дә күренеп йөрми бит. Әхсән – Табигать баласы.