Ямьле җәй

Ура! Китапханәбездә рәсми рәвештә җәй башланды! Иң матур бәйрәм – Балаларны яклау көне уңаеннан без кечкенә дусларыбыз өчен чын сихри дөнья оештырдык. Бу чара – ул бары тик тамаша гына түгел, ә көлү, уеннар һәм, әлбәттә инде, китаплар белән тулы маҗаралар иде!

Балалар бик теләп күңелле бәйгеләрдә катнаштылар, әдәби викториналарда табышмакларга җаваплар таптылар һәм музыкаль разминкалар вакытында яраткан көйләрен таныдылар.