"Солдат хатлары"
9 май илебездә иң мөһим бәйрәмнәрнең берсе - Бөек Ватан сугышында Җиңү көне. Бүген Лемаев исемендәге паркта шушы көнгә багышланган бәйрәм оештырылды. Безнең китапханә актив катнашты. Мастер-класс балалар өчен тарихка чуму, шулай ук үзләренең иҗади күнекмәләрен үстерү өчен менә дигән мөмкинлек булды. Балалар, безнең бабайлар фронтта эшләгән кебек, хатларны өчпочмакларга төрергә өйрәнделәр. Һәр катнашучы үз фантазиясен күрсәтте, хатларны Георгий тасмасы, ачык төсләр белән бизәделәр, шулай ук Җиңү открыткалары ясадылар.