"Табигать илһам бирә"

Бүген 19 нчы урта гомуми белем бирү мәктәбенең беренче сыйныфы өчен "Табигатькә тәрәзә" проекты кысаларында "Табигать илһам бирә" эко-көне үткәрелде. Китапханәче балаларга экологиянең йорт турындагы фән булуы турында сөйләде. Безнең барыбыз өчен дә уртак йорт булып Җир планетасы тора, аны сакларга кирәк. Балалар сорауларга мавыгып җавап бирделәр, экологик табышмакларны чиштеләр, шулай ук төрле экологик хәлләрне тикшерделәр. Чара азагында "Җир - безнең йорт" рәсемен ясадылар. Яшь укучылар безнең планетага сакчыл караш - Җирдәге барлык кешеләрнең эше, дигән нәтиҗәгә килделәр.