«График сүзләр дөньясы» проекты: офорт сәнгате әдәбияттан илһам ала

Чаллы шәһәр үзәк китапханәсендә «График сүзләр дөньясы» проекты — Президентның мәдәни инициативалар фондының 2025 елда беренче бәйгесе җиңүчесе старт алды.

Проект турында:
«График сүзләр дөньясы» — ул китапханәнең сәнгать бүлеге базасында инновацион мәдәни мәйданчык, анда яшьләр (15-21 яшь) үзләре өчен график сәнгать һәм әдәбият арасында бәйләнеш таба ала. Проект чараларының максаты — иҗади потенциалны уяту һәм гамәлләр аша укуга карата кызыксынуны торгызу. 
Иҗатның төп коралы:
Проектның беренче һәм иң әһәмиятле нәтиҗәсе профессиональ офорт станогы алу булды. Бу безнең төбәк китапханәләре өчен уникаль җайланма, ул мастер-класслар үткәрү өчен җәлеп иткеч үзәккә әйләнәчәк, анда катнашучылар офорт техникасында иллюстрацияләр ясарга өйрәнә алачак.

Проект ничек тормышка ашырылачак:
Программада — интерактив лекцияләр, рәссамнар һәм язучылар белән очрашулар, воркшоплар һәм кейс-стадлар. Катнашучылар иҗатчы юлын үтәчәк: китап сайлау һәм эскиз ясаудан алып офорт станокта үз иллюстрацияңне бастырып чыгару һәм күргәзмә оештыруга кадәр. 
Проектны йомгаклап «Печ’Art» зур арт-фестивале узачак, анда проект кысаларында тудырылган барлык эшләр тәкъдим ителәчәк. 
Без яшьләрне китапханәгә җәлеп итеп кенә калмыйбыз – без илһам, үзүсеш һәм сәнгать, китап арасында тере аралашу өчен киңлек булдырабыз.
Чараларга язылу башланганны белү өчен, безнең яңалыкларны күзәтеп барыгыз!