Әдәби әңгәмә «Игътибар ! Яңа китап!»

Балалар китапханәсе – 3 нче филиалның китап киштәләре яңа китаплар белән тулыланды.

Китапханәче укучыларга яңа китаплар тәкъдим итте. Тарихны үз итүчеләр  Ольга  Иванованың  «Сад Саифа Сараи» китабының  дәвамы,  икенче китабын укый алалар. Зөлфәт Хәкимнең «Туган батыр легендасы» сериясеннән  өченче китабы үзенең укучыларын көтә. Яшүсмерләр өчен Айгөл Әхмәтгалиеваның «Без андый малай түгел», Марат Кәбировның  «Миллион»,  Алмаз Гыймадиевның  «Офыклар алсу иде» бай эчтәлекле китаплары кызыклы булачак. Нәни дусларыбызны матур төсле рәсемнәр белән бизәлеп эшләнгән кызыклы шигырьләр, әкиятләр һәм хикәяләр тупланган кече яшьтәге балалалар өчен иҗат ителгән Зимфира Исламованың «Йокларга теләмәгән бурсык малае»,Эльмира Шәрифуллинаның  «Кәҗә һәм аның дуслары», Дания  Нәгыймнең «Ярый әле мин бар!» һәм башка кызыклы китаплар көтә. Китапханәгә рәхим итегез, китап сөюче дусларыбыз.