Авыл яши

Татарстанда «Авыл яши» проекты старт алды, ул авыл халкын бизнес нигезләренә өйрәтергә, авыл тормышын үстерергә һәм агросәнәгать комплексында алдынгы тәҗрибә белән уртаклашырга мөмкинлек бирә. Проекты кысаларында Кече Рәс авыл китапханәсендә мәгълүмат сәгате булып узды, анда яшелчәчелек, үсемлекчелек, куянчылык һәм авыл хуҗалыгының башка аспектлары буенча китап күргәзмәсе оештырылды. Китапханәче укучыларны Биектау районында авыл хуҗалыгы программаларын гамәлгә ашыручы оешмалар турында мәгълүмат белән таныштырды.