“Без – бердәм!"

Болыннар, бакчалар чәчкә-гөлләре белән матур булган кебек, туган илебез  Россия  күпмилләтле булуы белән күркәм.

“Библиотөн-2026” бөтенроссия акциясе кысаларында, 18 апрель  көнне Балтач Үзәк балалар китапханәсендә “Без – бердәм!”  танып белүле-уенлы иртәсе үткәрелде. Чараның кунаклары – 4нче балалар бакчасының мәктәпкә хәзерлек төркеменә йөрүче балалар Россиядә яшәүче милләтләр, аларның гореф-гадәтләре, милли киемнәре, ризыклары, бәйрәмнәренә кагылышлы мәгълүматлар тыңладылар. Балалар милли киемнәрдән төрле телдә шигырьләр сөйләделәр, бергәләшеп “Түбәтәй”, “Ручеёк”, “Вумурт” милли уеннарын уйнадылар.