«Туган якның моңлы җырчысы».

3 март көнне Иске Җөри авыл модель китапханәсендә укучылар белән татар язучысы Нурислам Хәсәновның 85 еллыгына багышланган «Туган якның моңлы җырчысы» исемле әңгәмә үткәрелде. Нурислам Хәсәнов-китап тышлыгындагы исем генә түгел, татар әдәбиятында тулы бер чор. Аның кеше күңелен тирән аңлау, ихласлык һәм нечкә юмор белән сугарылган әсәрләре күп буын укучыларының йөрәкләрендә яңгыраш тапты. Ул иң мөһим нәрсәләр — мәхәббәт, дуслык, бурыч, гади кешеләрнең авыр язмышлары, туган җирнең гүзәллеге турында шундый итеп сөйли белә иде ки, һәр сүз күңелгә ятып уйланырга һәм хис итәргә мәҗбүр итә иде. Чара азагында барысы бергә язучының тормышка булган мәхәббәтен чагылдырган хикәяләре турында фикер алыштылар.