"Сәламәтлек иле буйлап сәяхәт"

7 июнь көнне Үзәк авылы стадионында моңарчы күрелмәгән җанлылык күзәтелде. Ни булды соң? Безнең китапханә «Сәламәтлек иле буйлап сәяхәт» дигән кодлы исем астында яшерен операция уздырды!

Гади балалар гаять мөһим миссия алдылар: энергия белән тулылану һәм көчнең төп серен белү өчен куркыныч (ләкин бик күңелле) сынаулар аша үтәргә. Алар алдында торды:

- «Сазлык» ны тизлек һәм җитезлек белән узарга.
- Явыз микробларны җиңү өчен "Витаминлы букет" җыярга.
- «Чиста су» чыганагын табарга һәм файдалы гадәтләрнең серен чишәргә.
Кемдер бу уен гына дип әйтер. Ләкин без беләбез бит: бу булачак чемпионнарның күнегүләре иде! Безнең яшь геройлар сәламәтлек — чын супер көч икәнлеген исбатлап, барлык сынауларны да бик шәп башкарып чыктылар.