"Мин бер гади авыл кызы"
Бүген Арча үзәк китапханәсендә хатын-кызларның бөтентатар иҗтимагый сәяси һәм әдәби-нәфис “Сөембикә” журналы мөхәррире, якташыбыз Лилия Гәрәева белән очрашу кичәсе булды. Очрашуда Үзәк китапханәнең “Каурый каләм” әдәби-иҗат берләшмәсе, Габдулла Тукай исемендәге Арча педагогия көллияте укытучылары һәм студентлары, әдәбият сөюче дусларыбыз катнашты. Лилия Гәрәева “Сөембикә” җурналының тарихы һәм үзенең эшчәнлеге белән таныштырды, алып кайткан җурналларны таратты. Китапханәче кызлар Лилия ханымның иҗат җимешләрен укып таныштырдылар.
Чара матур хатирәләр белән бәйле истәлек-язмалар, матур җырлар белән бергә үрелеп барды.