Без наркотикларга каршы

Наркотиклар куллану проблемасы безнең көннәрдә бик актуаль. Беренче чиратта куркыныч астына үсеп килүче буын: балалар, яшүсмерләр, яшьләр эләгә. Моның өчен яшь буынның психотроп матдәләрнең кеше тәненә һәм миенә тискәре йогынтысы турында күзаллауларын киңәйтергә кирәк. Чара барышында катнашучылар белән тормышны һәм сәламәтлекне саклау белән бәйле проблемалар турында фикер алыштык, наркотикларның сәламәтлек өчен ни дәрәҗәдә зарарлы булуы һәм «җиңел наркотиклар булмый»дигән фикергә килдек. Чарада катнашучылар сәламәт яшәү рәвешен сайлауда үзләренең актив позицияләрен күрсәттеләр һәм тест үттеләр, ул балаларның наркотикларның нинди зыян китерүен тулысынча белүләрен күрсәтте. Шулай ук Җинаять кодексының наркотиклар саклау, тарату, куллану маддәләре белән таныштылар.