18 июль - Бөтендөнья фольклор көне

18 июль - Бөтендөнья фольклор көне. Татар халкының фольклоры бик бай, бик борынгы заманнардан килә. Безнең бурыч - халкыбызның кыйммәтле ядкарьләрен киләчәк буыннарга тапшыру.

Балаларыбыз, оныкларыбыз гореф - гадәтләребезне, йолаларыбызны белеп үссеннәр, ата- бабаларыбыз калдырган  бай мирас  алар буынында өзелеп калмасын дигән максат белән үзәк ял паркында “Кадерле мирас” дип исемләнгән чара үтте. Фольклор кичәсендә балалар белән  халык җырлары, әкиятләр, риваятьләр, мәкаль-әйтемнәрне искә төшердек, табышмаклар чиштек.  Шулай ук татар халык уеннарын  «Без, без, без идек», «Йөзек салыш», «Тукмаклы» уеннарын уйнадык, телкөрмәкләндергеч, тизәйткечләр әйтештек, балалар татар орнаментларын җыю остаханәсендә катнаштылар.