«Кулинария могҗизалары»

Пешерү-бертөрле иҗат, ә иҗат һәрвакыт яңа һәм чиксез. Ләкин иң мөһиме-тәмле булсын өчен, һәрвакыт җылылык һәм мәхәббәт белән пешерергә кирәк. Чубар-Абдул авыл китапханә китапханәчесе Мәндәй клуб яны лагеренда «Кулинария могҗизалары» дигән китап күргәзмәсен тәкъдим итте. Күргәзмәдә тәкъдим ителгән төсле басмалар укучыларга төрле илләрнең һәм халыкларның кулинар рецептлары белән танышырга ярдәм итте. Кайбер китаплардан пешерү тарихы һәм гореф-гадәтләре, дөрес туклану һәм диеталар, өстәл хезмәте һәм пешерү этикеты турында белергә мөмкинчелек туды.