"Лагерь-сау бул!"

Бүген Чубар-Абдул урта мәктәбе каршында оешкан мәктәп алды «Дуслык» лагерына йөрүче укучылар белән лагерь сменасын ябу тантанасы булды. Бәйрәм дискотекасы һәм концерт номерлары барлык балаларны күңелле бердәм коллективка берләштерде. Балалар үзләренең концерт программасында үзешчән сәнгатьнең искиткеч номерларын күрсәттеләр. Монда биюләр дә, җырлар да булды. Безгә, тамашачыларга, барысы да ошады! Рәхмәт балаларга! Шулай ук укучыларга кабаттан: өйдә, суда куркынычсызлык кагыйдәләре, пожар куркынычсызлыгы кагыйдәләре аңлатылды.