Татар халкының йөзек кашы

                                                                              Апрель җитсә, исемеңне

                                                                              Җырына куша тургай.

                                                                              Милләтемнең кояшы син,

                                                                              И моңлы, нурлы Тукай!

      Һәр ел саен апрель аенда без татар халкының яраткан шагыйре Габдулла Тукайның туган көнен билгеләп үтәбез. Быел шагыйрьнең тууына 136 ел. Шул уңайдан 42нче балалар бакчасы белән берлектә «Татар халкының йөзек кашы» дип аталган иртә үткәрдек. Шагыйрьнең тормыш юлы искә төшерелде, «Кызыклы шәкерт», «Бала белән күбәләк», «Гали белән кәҗә» әсәрләре сәхнәләштерелде, Тукайга багышланган шигырьләр укылды, җырлар җырланды. Бәйрәмгә әкият персонажларының кунакка килүе тагын да ямь өстәде.
    Г.Тукай үзенең иҗат җимешләре аша хезмәтне, табигатьне, кешеләрне яратырга, гадел, мәрхәмәтле булырга өйрәтә. Ә сабыйларыбызның аның әсәрләрен белүләре, кызыксынулары, татарча матур итеп сөйләүләре безнең күңелләрдә горурлык һәм якты хис уята.