"Кошлар базары"

  Габдулла Тукайның уку һәм ял паркында 14 лицей 5 "г" сыйныф укучылары өчен «Кошлар базары»  викторина - уен үткәрелде.

 Чара барышында балалар күчмә һәм кышлаучы кошлар турында белделәр, кошлар турында кызыклы китаплар һәм журналлар белән таныштылар, «кошлар турында барысы да», «кошлар тормышыннан» викторина сорауларына актив җавап бирделәр. Кошлар  нәрсә өчен? дигән табышмаклар әйтелде, «Чыпчык һәм каргалар», «җир, су, һава» һәм «Ябалак» хәрәкәтле уеннар уйнадылар. Кошларны фотосурәтләр буенча белделәр һәм Д.Тарджемановның «Шуктуган» әкиятен бик теләп тыңладылар.