«Робинзон утравында»

 Бүген балалар «Робинзон утравында» дип исемләнгән күңел ачу шоуында катнаштылар. Әйе, Робинзон сәяхәт итәргә яраткан. Ә нинди бала яки олы кеше искиткеч маҗаралар, яшерен хәзинәләр, диңгез сәяхәтләре турында хыялланмый. Кыю сәяхәтчеләр экзотик җимешләрнең исемнәрен искә төшерделәр, ризык әзерләү өчен учакны дөрес җыярга өйрәнделәр, үсемлекләрнең дәвалау үзлекләре белән таныштылар.

Икенче ярышта саф һавада хәрәкәтчән уеннар уздырылды. Балалар йөгерделәр, сикерделәр һәм күңел ачтылар. Алар күңелле эстафеталарда үз көчләрен, җитезлекләрен, тизлекләрен һәм тапкырлыкларын күрсәтә алдылар. Киләсе ярышта балалар химик тәҗрибәләрдә катнаштылар.