"Урам һәм юл кануннары"

Бүген юлларда балалар иминлеге безнең көннәр өчен җитди проблема булып тора. Барлык катнашучылар арасында балалар иң тәртипсез җәяүлеләр. Ел саен шәһәр юлларында һәм урамнарда бик күп юл-транспорт һәлакәтләре була, нәтиҗәдә балалар һәлак була һәм җәрәхәтләр ала.
Китапханәче 33 нче балалар бакчасында тәрбияләнүчеләр өчен «Урам һәм юл кануннары» дип исемләнгән мәгълүмат көне үткәрде. Л.Барбасның «Урамнар яшәде» китабын укып, балаларга транспорт чараларының нинди булуы турында сөйләде. Нәниләр кызыл, сары, яшел светофорның төсләре нәрсә аңлатканын кабатладылар. «Җәяүлеләр кичүе», «Перекресток», «Автобус тукталышы», «Трамвай тукталышы» юл билгеләре турында игътибар белән тыңладылар.
Чара ахырында юл йөрү кагыйдәләре турында белемнәрне ныгыту максатыннан «Җәяүле әлифбасы» мультфильмын карадылар. Чарага күргәзмә оештырылды, анда юл хәрәкәте кагыйдәләре турында ачык иллюстрацияле китаплар тәкъдим ителде.