«Буратино Маҗаралары»

 Белоруссия киносы көнендә без балаларга «Беларусьфильм» киностудиясендә төшерелгән «Буратино маҗаралары» исемле гыйбрәтле, нәфис фильм күрсәтергә булдык. Балаларга шулай ук А. Толстойның «Алтын ачкыч яки буратино маҗаралары» китабы тәкъдим ителде. Китапханәчеләр үскән актерларның язмышлары турында кызыклы итеп сөйләделәр. Бергәләп китапларның кеше тормышындагы роле турында сөйләштеләр. Укырга бик файдалы дигән нәтиҗәгә килдек. Балалар өйгә уку өчен китаплар алдылар.