"Китап битләре аша"

Каникулда балалар китапханәләргә рәхәтләнеп йөриләр. Алар өчен кызыклы экскурсияләр, мастер-класслар, викториналар һәм башкалар оештырыла. Бүген безгә әдәбият геройлары китап битләре аша килде. Алар балалар белән берлектә зур китап океанына төштеләр, балалар әсәрләренең авторларын ачыкладылар, әдәби табышмаклар чиштеләр һәм үзләрен физик яктан ныгыттылар. Хәйләкәр Баба Яга мәктәп укучыларына себеркедә очарга өйрәтте, ләкин интеллектуаль китап королевасы проблемаларга юл куймады. Авыр хәлдән чыгу юлын тәкъдим иттеләр.

 Якты һәм җанлы узган чаралар яшь укучыларны китапханәгә җәлеп итә, аларны кызыклы һәм эчтәлекле китаплар укырга дәртләндерә. Әлбәттә, алар яңа дуслар табарга, вакытны файдалы уздырырга өйрәнәләр.