"Шигырьләрендә - күңел җылысы" (Йолдыз Шәрәповага - 60 яшь)

97 нче балалар бакчасына йөрүче нәниләргә, Йолдыз Шәрәпованың 60 яшь тулу уңаеннан "Шигырьләрендә - күңел җылысы" дип исемләнгән әдәби сәгать уздырылды. Балалар шагыйрәсенең шигырьләре сабыйларның күңелен күптән яулады. Язучының һәр яңа әсәрен балалар да, өлкәннәр дә түземсезлек белән көтеп ала. Кичәдә нәниләр ятлаган шигырьләрен сөйләп күрсәттеләр һәм татар телендә мультфильм карадылар.