« Телем белән бәхетле»

 №27нче балалар бакчасында чара «Туган телем-серле тел» дип исемләнгән күргәзмә белән таныштырудан башланып китте. Нәниләр татар телендә камил сөйләшергә өйрәнгәннәрен татар халык жырлары, биүләре аша күрсәттеләр.Татар теленә булган мәхәббәтне балалар фольклоры аша җиткердек. Балалар татар язучыларының шигырьләрен яттан сөйләделәр.Теле барның – юлы бар.Туган телен кадерләгән халык кадерле булыр. Балалар белән туган телне сакларга, якларга сүз бирдек.Чара «Түбәтәй» җырлы-биюле уены белән үрелеп барды. Халкыбызның гимнына әйләнгән Г.Тукайның “Туган тел” җыры белән тәмамланды. Чарада 42 бала катнашты.