"Язмыш белән бил алышып"

16 декабрь көнне Үзәк китапханәнең татар бүлегендә, язучы Гурий Тавлинның тууына 90 ел тулу уңаеннан  “Язмыш белән бил алышып” дип аталган белешмә сәгате үтте. Чарага Татар гимназиясе мәктәбенең 5 класс укучылары чакырылды.

Китапханә хезмәткәрләре, балаларны, Республикабызның Зәй районы Урта Баграж авы­лында дөньяга килгән Гу­рий Тавлинның катлаулы тормыш юлы,  иҗаты белән таныштырдылар.

Китапханең библиографы әзерләгән “Афәтләр аша әдәбиятка юл ярган язучы” дип исемләнгән презентация күрсәтелде.

Авторның китапларыннан торган китап күргәзмәсе оештырылды.