«Халкыбызның Сайрар кошы»

2 февральдә Актаныш үзәк китапханәсе хезмәткәрләре шагыйрь, драматург, ТАССРның атказанган сәнгать эшлеклесе, Габдулла Тукай исемендәге  Дәүләт премиясе лауреаты булган,  Гөлшат Хисам Кызы Зәйнашевага  багышланган, «Халкыбызның Сайрар кошы» дигән  әдәби - музыкаль кичә үткәрделәр. Чара Г.Зәйнашева сүзләренә язылган  җырлар , шигырьләр һәм  шулай ук «Тамчы» вокаль ансамбле чыгышы белән үрелеп барды. Шул ук исемдәге китап күргәзмәсе шагыйрьнең иҗади юлының төп этаплары белән таныштырды, анда Гөлшат Зәйнашева турында  язылган мәкаләләр,  истәлекләр,  шигырьләр җыентыклары тәкъдим ителде.