«Минем әни – иң яхшысы» Уен программасы (0+)

24 нче санлы китапханәдә Әниләр көненә багышланган «Минем әни – иң яхшысы» исемле уен программасы узды.

Кунакка китапханәбезнең яшь китап сөючеләре әти-әниләре белән бергә чакырылды.  Матур, төсле рәсемле презентация балаларны бәйрәмнең тарихы, әниләр турында легендалар һәм риваятьләр белән таныштырды. Яшь китап сөючеләребез әниләрен котлап шигырьләр сөйләде, «Гөлләмә җый», «Хуҗабикә» гаилә бәйгеләрендә катнашты, «Әкияти әниләр» әдәби викторинасы сорауларына җавап бирде, «Рәссамнар» һәм «Әнисенең булышчысы» уеннарында актив катнашты. Кичә бик күңелле ноталарда «Әниләр» уены һәм «Мама для мамонтенка» мультфильмыннан өзек карау белән тәмамланды. Бәйрәмдә җылы гаилә рухы хакимлек итте.