«Һәрвакыт сәламәт булырга әзер бул!»: китапханә акциясе (12 +)
27 май көнне 15 нче санлы китапханә уртанчы сыйныф укучылары өчен Кереселидзе бульварында Бөтенроссия китапханәләр көненә багышланган «Һәрвакыт сәламәт булырга әзер бул!» дигән китапханә акциясе уздырды.
Чара сәламәтлек, файдалы һәм зарарлы гадәтләр, көн тәртибен үтәүнең әһәмияте турында кыска вакытлы әңгәмәдән башланды. Ике мәктәп укучылары, командаларга бүленеп, саф һавада күңелле зарядка уздырды. Шуннан соң балалар, «Күбәләк корты», «Күңелле тир» кебек хәрәкәтчән кызыклы уеннарда катнашып, кыюлыкларын, көч һәм җитезлекләрен күрсәтте. Эрудиция һәм белемнәр яшүсмерләргә «Сез ышанасызмы», «Сәламәт булу шәп», «Спорт турында 20 сорау» викториналары барышында ярдәм итте. Чара вакытында мәктәп укучыларына «Үзеңне зарарлы гадәтләрдән ничек сакларга?» дигән агитацион плакатлар әзерләргә һәм якларга һәм «Сәламәтлек - ул яхшы» флешмобында катнашырга туры килде.
Бу көнне балалар китап күргәзмәсендә тәкъдим ителгән спорт турында китаплар белән танышты. Ике команда да бүләккә зур китаплар алды.