«Бар дөнья – китапханә» китап бәйрәме (6+)

30 сентябрь көнне 14 нче санлы китапханә хезмәткәрләре «ЭкоРассвет» белән «Домостроителей»  җирле иҗтимагый үзидарәсе бергәләп оештырган чарага кушылды. Чараның шигаре: «Бар дөньяны китапханәгә әйләндерик».

Бәйрәмгә кунак буларак 49 нчы мәхәлләдә яшәүчеләр, 34 нче урта мәктәп укучылары, укытучылар җыелды. Китаплар вакыт киңлегендә сәяхәт итә, бер кулдан икенчесенә күчә, димәк, яшәүләрен дәвам итә! Чарага да күбесе үз китапларын алып килде, аларны башкаларга алыштырды. Китапханә катнашында мондый чаралар еш үткәрелә, шунлыктан беркемгә дә буккроссингның нәрсә икәнлеген аңлатырга туры килмәде. Өлкәннәр дә, балалар да «Китап белән гомергә» викторинасында һәм «Китап кыстыргычлары» мастер-классында бик теләп катнашты.